- إنضم
- 16 أبريل 2017
- المشاركات
- 765
- مستوى التفاعل
- 1,795
- النقاط
- 102
بسم الله الرحمن الرحيم
السلام عليكم ورحمة الله وبركاته
فرق كبير جدا بين إنك تقول الكلام ، وبين إنك تعيش معناه !!
أنا لي صديق عزيز كان تاجر كبير ، وكان ماشاء الله مرتاح ماديا جدا جدا
وفجأة وبدون أي مقدمات دخل في مشروع كبير ، راح اتخرب بيته ووقع على جدور رقبته ، بل وكمان بقا عليه ديون لناس كتير كانت مشغه فلوسها معاه في المشروع!
الأخ ده اتذل جامد وذاق المُر !! ووصل بيه الحال إن حتى الدواء مكنش عارف يشتريه!!
كان بيدعي ويتضرع بشكل يوم - زي أي مكروب - لكن عارفين الحاجة العجيبة اللي كان بيعملها ايه ؟؟
كان بيجمع كل الأحاديث اللي فيها (تفريج الهم + طلب الرزق + قضاء الدين) زي مثلا :
- من لزم الاستغفار جعل الله له من كل ضيق مخرجا ، ومن كل هم فرجا
- الحديث الخاص بكثرة الصلاة على النبي صلى الله عليه وسلم ، وقوله " إذا يكفيك الله ما أهمك"
- أحاديث قضاء الدين زي :
"اللهم اكفني بحلالك عن حرامك ، وأغنني بفضلك عمّن سواك"
"اللهم إني أعوذ بك من الهم والحزن ، وأعوذ بك من العجز والكسل ، وأعوذ بك من الجبن والبخل ، وأعوذ بك من غلبة الدين وقهر الرجال"
وغيرها ، وبعدين يجمع مراته وأولاده "كل يوم" ، ويتكلم معاهم في النصوص دي ويعيّشهم معاه المعاني دي ، وبعدين يقول : يلة بقا نبدأ نستغفر بالنية دي ! ويفضلوا يستغفروا كلهم وهم عايشين المعنى ومحتسبين الأجر وراجيين الفرج !!
- إلى جانب القسط الإيماني والأثر التربوي العظيم للجلسة دي - الراجل فعلا بدأ حالة يتحسن تدريجيا على مدار السنوات الصعبة دي ، وربنا رزقه بفرصة عمل صغيرة بدأت تكبر واحدة واحدة ، لحد ما قابلته من كام يوم وقال لي : "بفضل الله تعالى بعد ما كنت بستلف تمن الدواء من اخواتي ، دلوقتي دخلي الشهري من المشروع ده يتراوح بين الـ 10 و 15 ألف جنيه شهريا" !!
سبحان الله العظيم .. كام واحد مننا حافظ الأحاديث دي عن ظهر قلب ؟؟
طيب كام واحد فينا بيطبقها بهذا القدر من الرجاء والايمان والاحتساب ؟؟
والله الحالة اللي بيكون فيها عقلك وقلبك وانت بتدعي أو بتقول الأذكار بتفرق فروقات هائلة في النتيجة !!
هو ده بالظبط معنى حديث النبي صل الله عليه وسلم : "ادعوا الله وأنتم موقنون بالإجابة ، واعلموا أن الله لا يستجيب دعاءً من قلب غافلٍ لاهٍ" !!
ومعنى قوله صل الله عليه وسلم : " من صام رمضان (إيمنا واحتسابا) غُفر له ما تقدم من ذنبه" !!
حضور القلب واليقين في الموعود له مفعول ساحر في الإجابة !!
يقول الإمام حسان بن عطية رحمه الله : إن الرجلين ليكونان في الصلاة الواحدة ، وإن ما بينهما في الفضل كما بين السماء والأرض ! وذلك أن أحدهما مُقبل بقلبه على الله عزوجل ، والآخر ساهٍ غافل !!
عرفت ليه بقا فيه ناس بتقول "ما انا قلت الأذكار والأدعية دي كلها ومفيش حاجة حصلت" !!
راجع قلبك يا عزيزي !!
اللهم ارزقنا صدق اللجوء إليك ، وحُسن التوكل عليك ، وطهر قلوبنا من كل شيء يشغلنا عنك يارب العالمين !
امين ..
منقول
السلام عليكم ورحمة الله وبركاته
فرق كبير جدا بين إنك تقول الكلام ، وبين إنك تعيش معناه !!
أنا لي صديق عزيز كان تاجر كبير ، وكان ماشاء الله مرتاح ماديا جدا جدا
وفجأة وبدون أي مقدمات دخل في مشروع كبير ، راح اتخرب بيته ووقع على جدور رقبته ، بل وكمان بقا عليه ديون لناس كتير كانت مشغه فلوسها معاه في المشروع!
الأخ ده اتذل جامد وذاق المُر !! ووصل بيه الحال إن حتى الدواء مكنش عارف يشتريه!!
كان بيدعي ويتضرع بشكل يوم - زي أي مكروب - لكن عارفين الحاجة العجيبة اللي كان بيعملها ايه ؟؟
كان بيجمع كل الأحاديث اللي فيها (تفريج الهم + طلب الرزق + قضاء الدين) زي مثلا :
- من لزم الاستغفار جعل الله له من كل ضيق مخرجا ، ومن كل هم فرجا
- الحديث الخاص بكثرة الصلاة على النبي صلى الله عليه وسلم ، وقوله " إذا يكفيك الله ما أهمك"
- أحاديث قضاء الدين زي :
"اللهم اكفني بحلالك عن حرامك ، وأغنني بفضلك عمّن سواك"
"اللهم إني أعوذ بك من الهم والحزن ، وأعوذ بك من العجز والكسل ، وأعوذ بك من الجبن والبخل ، وأعوذ بك من غلبة الدين وقهر الرجال"
وغيرها ، وبعدين يجمع مراته وأولاده "كل يوم" ، ويتكلم معاهم في النصوص دي ويعيّشهم معاه المعاني دي ، وبعدين يقول : يلة بقا نبدأ نستغفر بالنية دي ! ويفضلوا يستغفروا كلهم وهم عايشين المعنى ومحتسبين الأجر وراجيين الفرج !!
- إلى جانب القسط الإيماني والأثر التربوي العظيم للجلسة دي - الراجل فعلا بدأ حالة يتحسن تدريجيا على مدار السنوات الصعبة دي ، وربنا رزقه بفرصة عمل صغيرة بدأت تكبر واحدة واحدة ، لحد ما قابلته من كام يوم وقال لي : "بفضل الله تعالى بعد ما كنت بستلف تمن الدواء من اخواتي ، دلوقتي دخلي الشهري من المشروع ده يتراوح بين الـ 10 و 15 ألف جنيه شهريا" !!
سبحان الله العظيم .. كام واحد مننا حافظ الأحاديث دي عن ظهر قلب ؟؟
طيب كام واحد فينا بيطبقها بهذا القدر من الرجاء والايمان والاحتساب ؟؟
والله الحالة اللي بيكون فيها عقلك وقلبك وانت بتدعي أو بتقول الأذكار بتفرق فروقات هائلة في النتيجة !!
هو ده بالظبط معنى حديث النبي صل الله عليه وسلم : "ادعوا الله وأنتم موقنون بالإجابة ، واعلموا أن الله لا يستجيب دعاءً من قلب غافلٍ لاهٍ" !!
ومعنى قوله صل الله عليه وسلم : " من صام رمضان (إيمنا واحتسابا) غُفر له ما تقدم من ذنبه" !!
حضور القلب واليقين في الموعود له مفعول ساحر في الإجابة !!
يقول الإمام حسان بن عطية رحمه الله : إن الرجلين ليكونان في الصلاة الواحدة ، وإن ما بينهما في الفضل كما بين السماء والأرض ! وذلك أن أحدهما مُقبل بقلبه على الله عزوجل ، والآخر ساهٍ غافل !!
عرفت ليه بقا فيه ناس بتقول "ما انا قلت الأذكار والأدعية دي كلها ومفيش حاجة حصلت" !!
راجع قلبك يا عزيزي !!
اللهم ارزقنا صدق اللجوء إليك ، وحُسن التوكل عليك ، وطهر قلوبنا من كل شيء يشغلنا عنك يارب العالمين !
امين ..
منقول
