السلام عليكم ورحمة الله وبركاته
الحلم ده حلمته قبل نتيجه المرحله الاولى بتاعه الانتخابات
حلمت انى كنت فى بيت جدى فى دمياط
وكنت انا واختى التوأم قاعدين على الكمبيوتر بشعرنا (علما بان مفيش كمبيوتر هناك فى المكان ده اصلا فى الحقيقه)
المهم
لقيت ابن عمى داخل ومعاه واحد صحبه
وطبعا اتضايقت جدا عشان كنا بشعرنا
بس لقيته بيقول لصاحبه ... : مين فيهم الى كنت عايز تتجوزها
انا اتكسفت طبعا جدا
خرجت من الاوضه
لقيت بابا واخويا واختى الكبيره نازلين لثورة كانت معموله
وكنت المفروض نازله معاهم
بس كانوا لبسوا قبلى انا واختى التوأم
فلبست بسرعه ولحقتهم
المهم نزلنا واحنا ماشيين لقينا بتاع زلابيه (علما بأن مفيش بتاع زلابيه فى المكان ده فى الحقيقه)
المهم اختى كانت فاكره ان احنا عايزين فلوس من الراجل بتاع الزلابيه
فراحت مدت ايديها فى صينيه الزلابيه وراحت واكله
باعتبار ان احنا الى عايزين منه فلوس ... بس هى كانت فاهمه غلط
لان هو الى كان عايز منا فلوس بس هى ماكنتش تعرف
وراح الراجل مزعقلها
المهم انا قلت للراجل ماتزعقش كده انا هجيب فلوس
وجريت على بابا وجبت منه 12 جنيه بالظبط
واديتله راح سكت
بعدين لقيت قصاد الراجل بنت وولد اطفال شوارع فقرا باصين للزلابيه
فكرت انى اديلهم من الزلابيه
فأخدت من الصينيه وادتلهم ... لقيت شاب واقف وراهم
بيبصلى كأنه بيقولى (ده رياء ده يعنى )
بس ماهتمتش بيه واديتلهم من زلابيه
(اانا كنت فى الفتره دى كل ما اعمل حاجه كويسه الاقى حاجه بتوقفنى تقولى ماتعمليهاش دى ممكن تكون فيها رياء وفعلا بوقفها بس فى الحلم مارضتش اوقفها)
فالراجل بصلى بصه كده فهمت منها انه بيقولى (اراك توزع من مال الست الوالده)
بس طبعا من غير ما يتكلم انا فهمت نظرته
وقلتله : انا هديك فلوس
المهم لقيت الراجل راح مولع النار عشان يعمل زلابيه تانى
وراح اخد شويه زيت من صاج كبييير وطويل فيه زيت بيغلى
بصيت عليه لقيت د. مرسى قاعد فيه والزيت بيغلى حواليه بس ماكنش فى دخلن
وكانت راسه بس الى باينه
بس كان قاعد مش متأزم خالص ولا كأنه قاعد فى زيت بيغلى
وكأن دى وظيفته الطبيعيه ... بس كان في على وشه علامات الجديه اوووووى
ماكنش مبتسم يعنى
وبس
منقولة
السلام عليكم ورحمة الله وبركاته
السلام عليكم ورحمة الله وبركاته
التعديل الأخير بواسطة المشرف:
