السلام عليكم ورحمة الله وبركاته
16-8-2013
انا حلمت اني كنت ف الشقه الدور الاول احنا عندنا دور اول كان بتاع جدي ودور تاني بتاعنا والسطح16-8-2013
المهم انا كنت فالدور الاول وكانت الاوضه فيها شباك ف الوش بتطلع علي اراضي زراعيه والاوضه كانت ضلمة اوي
وسودا
فيها عنكبوت وانا كان معايا حبل ابيض وكمان كان فيه شيزلونك السرير بتاع الدكتور ده المهم كنت مضايقه اوي بصيت لقيت الشمس بتشرق من الغرب
انا كنت مضايقه ومش عارفه اعمل حاجة والغيام كان مالي السما وكل جيرانا كانوا هس مفيش حاجة اكن المكان هجور خالص
المهم انا مسكت الحبل الابيض وقولت هربطه ف الشمس واشدها واجيبها ف نص السما
كانت حاجة جوايا بتقولي انتي عبيطه هتعملي كده ازاي
وحاجة بتقولي لا تقدري
المهم فعلا رميت الحبل وربطت الشمس
اعدت اشد جامد اوي وانا شايفه ف الجهة التانيه حد بيشد قصادي لحد ما غلبته
الشمس طلعت فالنص والغيوم مشيت وسمعت صوت العصافير وكنت مبسوووووووووووووطة جدا وفجاه لقيتني عالسطح مرة واحدة بفتح عيني لقيتني فوق السطح وكنت مبسوطة ولقيت السما اتملت سحاب ابيض زي القطن اعد ادور حواليا علي حد يشوقف المعجزة دي مفيش حد
المهم اعدت اتامل فجاه لقيت السحاب بيتشق ولونه برتقالي جميل اللي هو الشفق
ولقيت بالضوء الشمس صورة مصحف وسيفين والمصحف فيه الماز وزمرد ويقوت ومزخرف وشكله جميل جدا عمري ما شفت زيه ف حياتي
المهم انا سمعت صوت رائع ملائكي كده من مكان الانشقاق بيقولي واعدوا
كنت ساعاتها حسة اجمل احساس ف حياتي
بعدين كان نفسي ف المصحف ده اوي
مديت ايدي واتمنيته
المهم المصحف الشعاع جابهولي
واتحول لمصحف حقيقي بعد ما كان ضوء ملون ومزحرف
وانا مكنش مصدقه
حضنته جامد المصحف وانا كنت حسة بسعاده ونشوة عمري ما حستها
والمصحف حاول يرجع مكانه تاني بس انا خليتي حضناه واتمنيت من ربنا يبقي بتاعي والمصحف فعلا بقي بتاعي
لقيت واحده جارتي قاعده تحت بصتلها وشاورتلها علي اللي حصل وهي عادي واديتها المصحف عشان تشوف المعجزة وهي برضه عادي
وصحيت من النوم ونفس الاحساس الجميل ده مصاحبني
يااااااارب يا جماعه اللي تفسرهولي ينولها اللي تتمناه
ضروري فسره بالله عليكم
ف رعايه الله
- الحالة الدينية لك ولمن معك فى الرؤية
عادى متقلبه احيانا- اسماء من فى الحلم وعلاقتك بيهم
نورا جارتي علاقه جيدة- حالتك الاجتماعية
متزوجه- هل أنتى موظفه ؟
لا- هل أنتى حامل ، أو تنتظرين حمل ؟
لا- هل تعانى من اى هموم او ارق قبل النوم
لا- هل ترقين رقية شرعية ام لا
لا- حلم عادى ام استخارة
حلم عادى
منقول
السلام عليكم ورحمة الله وبركاته
السلام عليكم ورحمة الله وبركاته
