ا.
تحليل الفيديو ال ١٣ ل #محمد_علي
الاعلامي اسامة جاويش
قبل الكلام عن الفيديو واهم النقاط اللي فيه لازم انوه ان النظام حشد بشكل غريب جدا وبالطريقة القديمة المرتكزة على اخراج الفنانين والفنانات والمغنيين والمغنيات في كليبات متمنتجة بطريقة كوميدية لارسال رسالة تضامن للسيسي
اخراج بعض الاصوات على غرار معتز عبد الفتاح للتحليل وارسال رسايل تطمين
اخراج ياسر رزق مع احمد موسى للحديث عن مبادرات اصلاح سياسي ومجموعة من قصص بطولات السيسي
نرجع بقى لمحمد علي اللي بدا يعلن عن خطوات خطته وتفاصيل دعوته المصريين للنزول وندخل على التفاصيل :
١- مستمر في خطابه لشريحة بعينها وبيكلمهم بمصطلحاتهم وقضاياهم اللي تهمهم فبدا مثلا بموضوع اقتراحه عن تعاون مع اسبانيا وفرنسا في تطوير السكك الحديد بنظام POT وهو منحهم حق الادارة لمدة طويلة
هو هنا بيضرب اهم صنم عند السيسي وهو كامل الوزير اللي مسكه وزارة النقل من الاخر هو طلعه حرامي وفاسد لما شوح قصة الصيانة وتطوير المنظومة المتهالكة اساسا عشان يسرق اكتر
٢- للمرة التانية يتكلم ويركز على تيران وصنافير بشكل مباشر " قضية سياسية بحتة" بس هو حاول يربطها للناس بالفلاحيين والصعايدة ومفهوم الارض عندهم وازاي اللي بيبيع ارضه ده شخص معندوش كرامة وطلب من السعودية انها ترجع الجزر بالزوق وبشياكة
اذا كان فيه جهة وراه فعلا بتدعمه فهو هنا بياكد على اهم تهمة يمكن السيسي يتهم بيها وهي التخلي عن الارض المصرية وهو اكد على المعنى ده لما قاله انت خايف ومهزوز وانت ورجالتك القريبين منك رايحين في ستين داهية
٣- بيحاول يشجع الناس جدا انه كل شوية يتكلم عن انتصاره وانتصار الناس على السيسي لما قاله من ساعة المؤتمر وانا مبسوط لان الشعب خرجك في عشر ايام ترد وتتكلم
٤- نبدا بقى في الخطوات والمطالب الل بدا يقولها علانية
طلب من السيسي يطلع يتنحى ويعتذر يوم الخميس " وده طلب بالنسبالي غريب شوية ومتسرع شويتين لكن هقول تاني الراجل ده اما بيحرق نفسه في وقت قياسي واما هو واللي وراه عارفين كويس اوي هما بيعملوا ايه والرسالة اللي بيقولها في الفسديو بتكون وصلت السيسي قبلها بشوية
٥- قال جملة غريبة جدا في وسط الفيديو وحاول بعدها يفسرها ان قصده الشعب لما قال :
" يوم الجمعة آخرك معاهم"
قبلها كان بيتكلم عن الجيش والشرطة وازاي السيسي دورهم غلط وخلاهم يتجسسوا على بعض
٦- جمع ما بين السيسي ومحمد مرسي بشكل غريب جدا ومش مبرر على الاطلاق لما قال انتوا الاتنين عجنتوها واتريق على مرسي في موقفه من سوريا في مؤتمر لبيك يا سوريا وانه عمل فيها هيرو وبطل
محمد علي اما بيقول انه مش اخوان ومش مع الاخوان او ان الجهة اللي وراه عايزة توصل رسالة وتقول انه مش الاخوان اللي جايين لان ده كان رئيسهم وعمل كده فهما مينفعوش
٧- لو اتنحى الخميس هو بس اللي هيتحاسب " هو هنا كان بيكلم الجيش والشرطة تحديدا وكان بيقول طلب منهم ان هما يكونوا ورا الشعب فبافتراض برده ان جهة ما اللي بتوصل الرسايل دي فمحمد علي هنا بيقولهم على لسان الجهة دي اعملوا حاجه واتخلوا عن السيسي وهو بس اللي هيتضحى بيه
٨- نيجي بقى لخطة النزول يوم الجمعة الجاية : الراجل في الاول قال انزلوا بوسوا بعض وغنوا شعبي وارقصوا واتبسطوا وهيصوا وحاولا تتجمعوا مع بعض وتقضوا وقت لطيف الساعة ٧ بالليل
والحقيقة على قد ما هي فكرة لطيفة وسهلة التنفيذ على قد ما عليها الف علامة استفهام
فلو افترضنا برده ان جهة قوية بتنقلب على السيسي من خلال فيديوهات محمد علي فاعتقد ان الصورة واضحة بفكرة النزول وهي ان الحهة دي عايزة اي غطاء شعبي ولو هزلي يكون سبب ومبرر للي هيحصل ضد السيسي
٩- المبرر للنقطة اللي فاتت انه طلب من الصحافة والدول وخقوق الانسان انهم يصوروا المصريين وهما مبسوطين ومتجمعين ضد السيسي وطلب من مؤسسات الدولة متسمعش كلام السيسي وبلاش دم وسيبوا المصريين يعبروا عن رايهم باحترام ويطالبوا بالحرية زي ما قال
" معلومة " انا اتصل بيا النهاردة صحفيين في بريطانيا من الجارديان والاندبندنت ووكالة رويترز وبي بي سي وكلهم عايزين يعرفوا ايه اللي هيحصل يوم الحمعة وهل دي دعوة جادة فعلا ولا كلام سوشيال ميديا وكل وسايل الاعلام الغربية اللي تواصلوا معايا عايزين يتواصلوا مباشرة مع محمد علي عشان يعرفوا تفاصيل اكتر "
١٠- هو ختم الفيديو بشوية مطالب غريبة ومش منطقية بس رايي برده لو اعتمدنا سيناريو الجهة القوية اللي واقفة وراه فدي مش مطالب وانما هي رسايل من هذه الجهة لكل الفصايل الاخرى فمثلا :
مطلبه بخروج كل المعتقلين السياسيين دي رسالة لكل فصيل معارض ليه معتقلين سياسيين ان اللي جاي هيعمل كده
مطلبه بخروج اي حد عليه فلوس دي رسالة لبعض رجال الاعمال اللي اتضروا بشدة في عهد السيسي ومنهم ناس كتير محبوسين
مطلبه ان اللي قتل ميخرجش رسالة للنظام نفسه ان اللي جاي ضد العنف ومش هيسامح اي حد اتورط في دم
مطلبه انه يخرج ضباط الجيش والشرطة اللي حب
سهم السيسي عشان رفضوا ينفذوا الاوامر دي رسالة لكل مراكز القوى جوه الحيش واللي ضربهم وهاجمهم السيسي وابنه محمود ومعاهم عباس كامل وعلى راسهم جناح سامي عنان
في الاخر هو وعد بالنزول مصر يوم الجمعة وانه واثق ان الناس هتحميه
لا زلت عند رايي الراجل ده يوم الجمعة الجاية اما هتكون نهايته اعلاميا وخلاص فترة وخلصت
واما هتكون بداية للجهة اللي وراه انها تخلص من السيسي
