السلام عليكم ورحمة الله وبركاته
رأيت فيما يرى النائم أني على شاطئ بحر كمصيف والبحر به ناس كتير وفيه أسماك قرش تأكل في الرجال والاطفال والسيدات الموجودة في البحر وتجرحهم جروحاً كبيرة وبعدها وجدت أن أسماك القرش بدأت تجرح الناس في البحر ولكن مش زي الاول مثلا لما سمكة تمسك شخص حد تاني يخلصه منها وقل ايذاؤهم للناس وبعدها مشيت لقيت اوباما واقف كأنه بيقول للناس أنا ربكم الأعلى وكان عاوز يخلينا نصدق كده فنظر بعينة لبرج حوالي 12 دور فتهدم البرج وبقي مساوي للأرض ونظر لي نظرة انتصار لما وجد الناس تلتف حوله فقلت للناس ما حدش يصدقه ولقيت واحد من الزنوج تقريبا جنوب افريقيا رايح نحيته فوقفته وقلت له والله هو بيكدب فهو اتضايق مني جدا ونظر في ناحية اليمين فجعل جزء من الارض اللي واقفين عليها كأنها الصعيد ونحن المفروض في شمال مصر فاستغربوا الناس وقالوا ازاي كده وبدأوا يروحوا ناحيته والمفروض يسمعوا كلامه قعدت اقولهم ما تسمعوش كلامه فاتضايق مني جدا ونظر ناحيتي لقيت ورايا حيوان كبير جدا جدا زي الديناصور كده وجاي عليا بس ما وصلش ناحيتي وما عمليش حاجة بعدها مسك اوباما حبل وشده عشان يوقعني فقفزت وبعدت عن الحبل ووقفت أمامه وقعدت اقول اعوذ بالله من الشيطان الرجيم واستيقظت وانا باقول هذه الكلمة... ارجو تفسير هذا الحلم إن كان له تفسير
انثى - عمري 30 - متزوجة- منتقبة- لا أعمل - لا يوجد أطفال - اقيم في مصر- ما يشغلي هو حال البلد وأدعو الله ان ينهي هذا الانقلاب - كنت ادعو الله أن يريني شيء يطمئني على حال البلاد لكني لم ادعو بذلك منذ اسبوع - قلت الاذكار ونمت- الحمد لله لا يوجد سحر او مس
منقولة
أخذت المعلومات من الرائية نفسها
السلام عليكم ورحمة الله وبركاته
