موضوع حصري مجربات لعلاج السحر، حلقات

[ام حمزة]

بسم الله الرحمن الرحيم
السلام عليكم ورحمة الله وبركاته
وصل اللهم على نبينا محمد واله وصحبه الكرام وسلم تسليما كثيرا
​

#علاجات للسحر...............................الحلقة الاولى
عدنا جارتا كدا جنها سحر وفقرا وحسادة ومتابعة الناس وما داساهوا ونستا كلها فى شيخ بى جاى او بى هناك عارفاهم كلهم حى حى المهم يوم نطتت ولدا فى بيتنا ووقفت لى جمب بابنا فيهوا شبك حديد كدا وتعاين لى انا حسيت بى حركة عاينت بى شباك الاوضة شفتها فى الباب وتقول لى ولدا اجرى اجرى ولدا طوالى جرى عليها وطلع باب الشارع قدام عينى، المهم طلعتا فى الحوش عاينتا يمين شمال ما فهمتا حاجة، وسيت ليك الموضوع مع شغلتى البيت وغيره، العصر كدا جتا كديسة صغيرة وسط كدا يعى ما بيبى، تنوو ساى وتتجارى شديد لافة البيت دا كلوا تقول ضارباها كهرباء احترنا فيها مالا ختينا ليها اكل ولا عاينت لى بتلف زى المجنونة وبدت تكابس فينا خفنا منها خليا ليها الحوش واتقفلنا جوة ، نمنا بالليل نوم مقطع وزى محمومين حتى الشفع كانوا بهلوسوا وبتلقبوا كان فى قلق حاصل لى ناس البيت كلها وهى الليل كلوا تنونو ، الصباح نفس الحالة هستيرية شديدة ، يا اخونا دا شنو ، بس فجأة قمت اتذكرتا ليك الساحرة (جارتنا) وعلاقة الكدايس بالجن (مهم بالمناسبة واحدين منهم حراس سحر)، طوالى عندا برميل كبير ازرق ملان موية لى عينوا كبيت فيهوا كيلو ملح وملعقة كبيرة حبة سودا وزى وملية ايد سدر وجبتا جك كبير وناديت اخوى ( الله يطرا بالخير) طويل كدا ( ماشاء الله تبارك الله) ودخل الجك الكبير فى البرميل وهات يا سواطة (سوطك سوطك)، بعد داك دخلتا اصبع يدى اليمين (السبابة) و قريت الفاتحة سبعة مرات ( من بسم الله....لى آمين) ، وشلا ليك موية البرميل دى جرادل جكاكة ناس البيت ووقعنا فى البيت رش ركن ركن شباك باب عتبات سقف م جوة وبرا ، كله رشينا حتة حتة لى باب الشارع من برا وجوة للشارع قدام البين سقينا موية، ماعدا الحمامات (يكرمكم الله)، هى نسيت اقول ليكم الكديسة الصباح جوها كديستين كبار مغبشات ومتربات زى البشجعوا فيها وزى وفد فى مهمة رسمية (والله) ، اجى الكلام دخل الحوش، المهم بعد موية الرقية (الملح والسدر زالحبة السوداء) الكديسة اطلقت فيها النارية جت عديل لم جرينا منها وخشينا جوة وقفلنا وقطعنا الحركة وهى تنونو وتتجارى، زى الضهر كدا قطعت الحركة مرقا براحة نتلفت خايفين اكان لقيناها ميتة.

 

[أخ الإسلام]

وعليكم السلام ورحمة الله وبركاته

لهجة إخوتنا السودانيين جميله، بس بالنسبه لي والبعض ليست مفهومه بالكامل.. لو ممكن حد يفرغ الكلام العربية الفصحى حتى نستفيد.

 

[ام حمزة]

جارة لنا تتعامل بالسحر جعلت ابنها يقفز الى بيتنا ويضع شيئا لا ندرى كنهه فاحسسنا بها ولم نهتم للامر، عند المساء جاءنا قط متوسط العمر واخذ يلتف ويدور بالبيت بطريقة هستيرية مع مواء متواصل ، استمر هذا حتى صباح اليوم التالى، متسببة بقلق وهلاويس للجميع، فشككنا ان لجارتنا وسحرها يد، فى برميل ماء وضعنا ملح وسدر وحبة بركة وقرأنا الفاتحة والمعوذتين ونفثنا ورششنا البيت بكامله فماتت القطة