ناس من الاخوان واقفين فى مكان كبير معاهم علامات رابعة و صور الرئيس

[ابواروىالمصرى]

السلام عليكم ورحمة الله وبركاته​

شوفت حلم كدة " كأن ناس من الاخوان واقفين فى مكان كدة كبير اوى و المكان دا ليه بوابة حديد و هما واقفين ورا البوابة دى و معاهم علامات رابعة و صور الرئيس و انا كنت واقف معاهم ....قدام البوابة دى فى شارع ,الناحية التانية من الشارع واقفة عربية كبيرة فيها قوات خاصة و وواقفة عربية شرطة و فى تلات دشم " حواجز من اكياس الرمل اللى بيستخدمها الجيش " كل دشمة مثبت عليها رشاش و وواقف عالرشاش دا واحد كدة لا جيش ولا شرطة و جه فى دماغى انه شبه المرتزقة بتوع الافلام , ناحيتنا احنا من الشارع و قدام البوابة فيه تلات دشم برده مستخبى ورا كل دشمة واحد تبعنا و راقد عالارض و هما مش شايفينه من الناحية التانية , المهم فتحت انا البوابة و قلت اطلع اقف مع الناس بتوعنا اللى بيدافعوا عن البوابة دول فالمهم و انا طالع لقيت ناس بيقلولى متطلعش فانا طنشتهم و طلعت برده و اتسحبت كدة جنب واحد من اللى كانوا راقدين ورا الدشم و كان معاه سلاح فقولته انا هارقد جنبك هنا فقالى لأ ادخل جوه ..فقلتله خلاص نبدل انا و انت انت تقف ساعة و انا ساعة قالى ماشى و عطانى سلاحه و دخل هو يريح ..المهم رقدت انا مكانه فحسيت انى خفت و قولت لنفسى اكيد فى قناصة عندهم ممكن يموتونا فى اى لحظة و بعدين قلت مش مشكلة هما كدة كدة مش شايفنا اصلا ..بعد شوية جت عربية محملة ناس معاهم سلاح و كانوا لابسين لبس صعيدى و كانوا تبع الشرطة نزلوا من العربية فحسيت انهم جايين يضربوا الناس اللى بتتظاهر ..و بعدين عرفت ان الشرطة عارفة انه فى ناس مننا بتدافع عن البوابة دى بس مش شايفينهم فجايبين الناس اللى لابسة صعيدى عشان يضربوا فاحنا نستفز فنرد الضرب فنظهرلهم ..المهم فعلا الناس اللى لابسة صعيدى دى قربت علينا وواحد منهم عدا ما بين دشمتين من بتوعنا و ماشفناش المهم راح مدخل سلاحه مابين فتحات البوابة و ابتدى يضرب فى الهوا على الناس المتظاهرين اللى جوه و احنا فاضلنا مستخبيين و ماسكين نفسنا و مش عايزين نرد عشان مانظهرش ..المهم النساء قعدوا يصرخوا و الاطفال فاحنا استفزينا فبدأنا نرد علىيهم و نضرب عليهم نار ..كانت المسافة بينى و بين اللى ضرب عالناس حوالى 2 او 3 متر و كنت باضرب عليه وهو بيضرب عليا ومحدش فينا بيتصاب المهم حسيت انه السلاح فيه حاجة ..فى اللحظة دى بدأت الدشم الناحية التانية تضرب علينا و ماكنوش بيصيبونا هما كمان وانا قعدت اضرب عليهم و محدش فيهم بيتصاب فعرفت انه السلاح خربان ..بعد شوية الشرطة و القوات الخاصة و اللى شبه المرتزقة دول خافوا من ضربنا فمشوا ..و اتبقى فى الاخر انا والراجل اللى ضرب عالمتظاهرين دا وشكله كان اتغير من واحد لابس صعيدى لواحد مليان كدة لابس شبه المراسلين ومعاه كاميرا ..المهم فضلت اضرب فيه وطلع يجرى منه وهو بيجرى منى جاله تليفون من الشرطة بيقولوا تعالى عشان هنعمل نفس االلى عملناه دا فى مكان تانى فجرى عشان يرحلهم فانا جريت وراه ولحقته و اعدت اضرب فيه و اضرب على اذنه لحد ما وقع عالارض و اذنه تشوهت و انتهى الحلم على كدة ...
منقولة​

السلام عليكم ورحمة الله وبركاته​

 

[علامه فارقه]

وعليكم السلام ورحمة الله وبركاته
الرؤيا حديث نفس