السلام عليكم ورحمة الله وبركاته
6/3/2013
السلام عليكم6/3/2013
انا حلمت حلم امبارح بعد الفجر مش عرفه دا رؤيه ولا حلم
المهم انا كنت ماشيه مع ماما و واخواتى ومعديين على طريق الكورنيش بتاع البحر عندنا فى اسكندريه ولقينا ناس ملومين بيبصوا علبحر والسما
رحت ابص اشوف فى ايه لقيت فى السما زى صورة راجل بدقن وتحته مكتوب محمد قد نزل
و الراجل دا كان لابس عمه بيضا زى لبس العرب بالظبط وكان باين وشه بس وجزء من الجلباب بتاعه كان ابيض بردو
وكانت صورته بتنزل فى البحر وتظهر صورة تانيه له مع العباره الى مكتوبه تحت صورته وتقع تانى فى البحر
و انا فهمت ان المهدى المنتظر ظهر وسمعت صوت بيقول ان المهدى المنتظر قد ظهر
وانا فرحت واعدت اهلل و اقول للناس الى كانت واقفه المهدى المنتظر ظهر خلاص
والناس واقفه مبتتكلمنش وكله مكشر وقلقان
وبابا جه قتله بابا المهدى المنتظر جه لازم نستعد وننستغفر ربنا ونتوب اليه قبل فوات الاوان
وقلت لاهلى الى كانوا معايا انى هروح اقول لخطيبى الكلام دا عشان يستغفر ربنا هو كمان ويتوب
انا مش قلقانه من الحلم او الرؤيه دى لانى كنت فرحانه بظهور المهدى وحسيت براحه غريبه لما بصيت فى السما والبحر وصورة الراجل دا
السما كانت صافيه جدا ماشاء الله والجو كان جميل جدا
انا عوزة التفسير ضرورى جدا جدا جدا
لانى بمر بازمه نفسيه وحسه باكتئاب شديد
الحمدلله بصلى و بستغفر ربنا كتير
انا انسه مخطوبه غير متزوجه
الحالة الدينية لك ولمن معك فى الرؤية ؟
الحمدلله كلنا بنصلى وبنقرا قران وملتزمين
- اسماء من فى الحلم وعلاقتك بيهم ؟ اهلى بابا وماما واخواتى
- حالتك الاجتماعية ؟ انسه مخطوبه
- هل أنتى موظفه ؟ لا
- هل أنتى حامل ، أو تنتظرين حمل ؟ لا
- هل تعانى من اى هموم او ارق قبل النوم ؟ نعم كتير اوى
- هل ترقين رقية شرعية ام لا؟ احيانا
- حلم عادى ام استخارة؟ حلم عادى
منقول
