- إنضم
- 15 مايو 2018
- المشاركات
- 751
- مستوى التفاعل
- 853
- النقاط
- 102
بسم الله الرحمن الرحيم
السلام عليكم ورحمة الله وبركاته
وصل اللهم على نبينا محمد واله وصحبه الكرام وسلم تسليما كثيرا
رمضان بعد أيام قليلة !السلام عليكم ورحمة الله وبركاته
وصل اللهم على نبينا محمد واله وصحبه الكرام وسلم تسليما كثيرا
خلاص العد التنازلي بدأ
عاوزين نشد حيلنا كفاية كلام وكسل وغفلة
"وَفِي ذَٰلِك فَلْيَتَنَافَسِ المتنافسون"
في ناس دلوقتي مابتنامش الليل عدادك واقفوعداد حسناتهم شغال
#رمضان_معركة يعني لازم تكون فارس وتموتنفسك في العبادة
نازل معاك فرسان في المعركة أشداء هتروح جنبهم فين
▪نازل معاك فرسان في (القرآن)
الإمام الشافعي كان بيختم القرآن في رمضان 60مرة
▪نازل معاك فرسان في (التراويح)
اوعى تصلي التراويح أقل من جزء على الأقل
الصحابة كانوا بيصلوا مع الرسول حتى يقولوا : خشينا أن يفوتنا السحور
▪نازل معاك فرسان في (الصدقة)
أكفل أسرة في رمضان لو تقدر
هات شنط رمضان لأهلك و جيرانك الفقراء
تصدق بما تستطيع و لو بشق تمرة ...
▪نازل معاك فرسان في (الدعوة)
عشان تكون فارس لازم يكون لك هدف في رمضان
1⃣تخرج و قلبك مليان حب لربنا
2⃣تخرج بنور على نور ربنا يحطه في قلبك
نور الإيمان و نور القرآن...
3⃣معركتك مع نفسك
إن قلبك يرجع حر بعد ما قيدته الشهوات و الدنيا
إن قلبك يرجع نظيف فعلى قدر حال قلبك على قدر فتح الله عليك...
الثانية في عمرك لها قيمة كلمة سبحان الله وبحمده بنخلة في الجنة
المزاحمة على حوض النبي مش بالدراع بالعمل
اللي مش هيشتغل في رمضان ويجيب آخره
هييجي يوم القيامة يقول ياندمي ياريتني !
مش هتندم يوم القيامة على المعصية
بس هتندم كمان على الغفلة
رمضان صفقة عظيمة ربنا أعطاها لينا عشان نسبق
أنت عارف يعني إيه العتق من النار
يعني رقبتك مربوطة بسلسلة لجهنم
وبعملك في رمضان تتقطع السلسلة وتروح الجنة
احذر الشيطان بيستعد من دلوقتي يزرعلك ألغام
بنت تعرفها ...ولد تعرفيه ..برامج و مسلسلات رمضان ..
تب إلى الله قبل رمضان ماتنزلش المعركة وأنت تقيل بذنوبك
فروا إلى الله
تنافسوا ...سارعوا....استبقوا الخير في رمضان
رمضان 30جولة ياترى في أي جولة هتنتصر على نفسك؟
رمضان حياة أو موت..قضية مصير
الناس هتخرج من رمضان بغنائم مختلفة كل واحد على حسب بطولته
اوعى تخرج من سوق الرحمات والعطاءات خسران بدون غنائم
#فرسان_رمضان
منقول
