الالحاد.. من جانب تربوي ديني

[بشارة]

السلام عليكم ورحمة الله و بركاته. .


نبدأ بعون الله ..#الالحاد(سأتناوله من جانب تربوي ديني)
تعالوا نتكلم عن نقط مهمة جدا
1(القرآن الكريم اتكلم عن الالحاد بكلمات واضحة (وذروا الذين يلحدون في اسمائه)يبقي الالحاد مش اختراع...ده شئ موجود من زمان..
2(نفرق بين نوعين من الناس
------ناس فعلا بجد عن الحقيقة باحثة ومفهموش فألحدوا ودول باحترم بحثهم ولما تناقش بتحسهم فعلا باحثين
-------وناس مهما فهمتهم ملحدين =هم عاوزين كده لسبب ما مفيش فايدة من النقاش معاهم
3(الالحاد يستند الي مفاهيم محددة...سأتناولها في اسئلة واجوبة....
4(انا دارسة عقيدة +مقارنة اديان مش بتكلم من دماغي يعني وعلي يد دكاترة في الازهر لمدة 4 سنوات بخلاف شهادتي الاصلية وده مش تباهي ده توضيح
تعالوا ننظر في الصغروالمراهقة...ازاي ممكن نرد علي اسئلة الطفل
1*ماما مين خلق كذا؟ ؟ ؟ ؟ ؟
الاجابة ،؛:ربنا
2*ماما مين خلق ربنا؟ ؟ ؟
وهنا اقول لك (لو احتاج ربنا الي خالق لما كان خالق من الاساس....يبقي ...احنا....دلوقتي بنقول مين خلق الخالق
..سؤال غريب عجيب...لانه مع افتراض ان الله خالق ازاي هيخلقه حد؟ ؟ ؟ طيب ما اعبد الحد ده....و اصلا محدش قال انه خلق ربنا!!)
3*طيب احنا ليه بنصلي وليه ربنا ما دام غني عظيم يريد من الناس الصلاة؟ ؟ ؟
الصلاة اتصال متكرر من الانسان مع ربنا في دنيا صعبة هو محتاج فيها يكون لك كبير...
يبقي ربنا يريد الصلاة لنا نحن وليس له..يعني مش عشان نثبت حبنا له....لانه عالم بقلوبنا لكن عشان احنا نبقي بخير
طيب ليه بيعاقب عليها؟ ؟ ؟
هو ليه المدرسة بتعاقب الطالب
ليه الاب بيعاقب ابنه
ليه العقاب كفكرة موجود اساسا؟ ؟ ؟لان طبيعة الانسان بتقبله =الانسان محتاج احيانا رادع
اه انتي بتقولي كده مع انك ضد الضرب والزعيق؟ ؟
انا ضدهم لانهم مش رادع اساسا...دول تهزيئ ...
لكن انا مع اشكال من العقوبات اخري. ...
4*كان احسن اني اعبد ربنا بحب مش خوف مكنش يخوفنا احسن ليه بيخوفنا ؟
الانسان كائن يحتاج الي قوانين وضوابط
وشوفوا اكبر الدول واضعة ضوابط ولا لا..
هي كده عاوزة تخوف
ولا عاوزة دفع للالتزام
ومع ذلك ربنا شرع مكافآت كثير جدا ده غير اكبر مكافأة اللي هي التوبة الواسعة للنهاية ..
5*ماشي ليه ميكونش حد تاني اللي خلق؟ ؟ ؟
تعالوا نتخيل تخيل...
فيه محفظة كبيرة مليانة فلوس وقعت في حفلة من شخص .
شخص تاني التقط المحفظة...وسأل دي بتاعة مين ؟ ؟
محدش قال بتاعتي الا صاحبها ووصفها...يبقي يديها له ولا لا؟ ؟اكيد يديها له
هو اصلا محدش قال انه خلق الكون غير ربنا....ربنا بس اللي قال انه خلق
طيب لو حد تاني خلق مستخبي ليه ما تعلن عن نفسك !!
6*ما يمكن يكون الكون جاء تفاعلات ومن غير خالق أساسا؟
تمام تعالوا نتخيل مجرد كرسي
قلت لك فيه انه جاء لوحده من غير ما حد يعمله هيبقي ايه ردك ؟ ؟ ؟مش هتقبلها
ملحوظة فيه فرق ما بين الكرسي...اللي هو مصنوع
ومش ممكن العقل يقبل انه يجي لوحده..
ومابين الحجة الاولي في النقطة 1
انه ربنا خالق فمش محتاج خالق
لان الخالق غير المخلوق
7*طيب...ما هو المسلمين متخلفين. ..ومحدش فيهم كويس ولا عدل شوفوا اخلاقهم شوفوا نظافتهم...؟
تمام معاك حق
لكن هما دول مقصرين ولا لا؟ ؟
هما اساسا مش ملتزمين بالقرآن ولا الزي المناسب ولا الصلاة..يبقي اعدل سؤالك وقول ليه عاوزني اعبد ربنا مع ان اللي بيعبدوه منفذوش كلامه....؟
هأرد عليك
بنقطة اولا مش كل المؤمنين كده فيه قدريتقي الله وده قدر قليل
وفيه نقطة تانية...ان تربية ناس كتير نقلت الدين بشكل غلط...مما ادي لطمس الهوية.....المؤمنة. ...

8*طيب ربنا ليه ما انهاش الشر في الدنيا والمرض والالم ؟ ؟ ؟
الرد هو انك انت مش فاهم اساسا ان هي دي الدنيا......مكان فيه خير وفيه شر...فيه امتحان وابتلاء ..مش دار جزاء دي دار عمل واجتهاد =لجنة الامتحان فيها الفاشل والناجح لكن كشف النتيجة فيه الناجح بس ..الدنيا لجنة امتحان
9*طيب معلش ...ليه ربنا خلق ناس شكلها وحش...مش ربنا خلق الانسان في أحسن تقويم ؟
ربنا خلق الناس في احسن حال ...لكن التربيةربنا جعلها مسؤلية ناس معينين. كل انسان له اللي يعجبهم ويريحهم...لكن تربيته هي اللي بتعقده وتحسيه ان مفيش امل...فيه حجات ربنا جعلها في ايدي الناس مثل المعاملة ..وكيف يحتوون ابناءهم ..الناس قصروا في ده وهما محاسبين. ...
10*طيب الصلاة مبتريحنيش ولا قراءة القرآن. ....؟
تمام لان انت اساسا اللي بتعمله مش صلاة
ولا قراءة
دي شكليات
يعني لو حضرت درس فيزيا
ومركزتش
هترجع تقول مش فاهم
فيه جانب ارادي عندنا لازم نركز واحنا بنعمل العبادات مش اي اداء في اي حاجة وعاوز الثمرة اللي هي الراحة النفسية!
11*القرآن والسنة ايش عرفني ازاي وصلونا ؟ ؟
اولا القرآن اتجمع علي طول بعد الرسول صلى الله عليه وسلم في خلافة ابي بكر بعد حرب اليمامة...اللي استشهد فيها عدد من حفظة القرآن .
طيب كمان فيه نقطة مين اللي كان علي رأس لجنة جمعه ؟ ؟ ؟صحابي اسمه زيد بن ثابت
زيد ده ادلي بتصريحات مذهلة لما ابو بكر جعله علي رأس اللجنة...ياتري قال زي اي رئيس لجنة انا فخور واوعدكم باحسن مجهود...ولا قال احنا قدها...
لا...خاااالص...
ده قال (لو كلفوني حمل الجبال لكان اهون)
=مش فرحان بمنصبه ...ده حاسس جدا بالمسؤولية. ...
طيب تمام. ..
كمان تعالوا نشغل عقلنا...
في حاجة....
القرآن الكريم
لمن يعرفه
كتاب كله علي نفس المستوي
طيب لو متألف مكانش نفسية الكاتب بانت او فرق مستواه....
او فرق خبرته.....؟ ؟ ؟
لكن لانه مش متألف هو كلام الله عشان كده هو طول 23 سنة زي ما اهو
كل ده حلو جدا....لكن متتكلميش بقه عن البخاري....
بينه وبين الرسول قد كده....
انا عاوزة اوضح لكم شوية نقاط...
تعالوا نفترض ان شركة محمول عاملة اعلان طالبة ناس تشتغل مهندسين it تمام ؟ ؟
طيب الشركة دي حاطة شروط صعبة جدا وعلي اساس الشروط بتختار.../ينفع اقول الشركة متساهلة ؟ اكيد لا...
الشركة كدابة في شروطها؟ لا .
ليه لانها علي اساسها بتسمح انك تتقدم ...وبترفض غيرك...
كل اللي قابلتهم من الطاعنين في البخاري ميعرفوش اصلا شروطه في اختيار الراوي...ولا الكمبيوتر المذهل اللي كان في عقله...ومحدش اضطره يعمل كده...لانه مكانش هو الوحيد اللي بيجمع السنة اساسا ..والباقي معملوش كده....وشروط البخاري الصعبة جدا في انتقاء الراوي..موجودة ومعروفة حتي ان غيره من اللي جمعوا الحديث لما احيانا بيحققوا الشروط بيتكتب علي شرط البخاري..شروطه رهيبة...وعلي اساسها رفض رواة كتير جدا..ممكن احط لكم لينك تقروه للمراهقين. .عن البخاري شروطه..كان كأنه شركة صعبة جدا...في الاختيار. ..يبقي لازم نكون موضوعيين...في حقه ..نقول هو دقيق بس احنا مكذبين السنة ده احسن من التشكيك فيمن كانت شروطه رهيبة ..كمان محدش يقول انه كسب من جمع الحديث بالعكس ده افلس =كان غني وافلس من السفر والتكاليف اقروا عنه
11*مفيش اخرة...ايش عرفني ان فيه اخرة ؟ ؟
تمام....انت شايف ان الناس في الدنيا واخدة حقها اساسا؟ ؟يعني مثلا هتلر حرق 6 مليون يهودي عمل اجرامي وبعدين انتحر فين حقهم هو مات بس فين حق الناس دي ؟ ؟ ؟
لازم يكون فيه مكان للعدالة
ربنا فقط ..هو اللي يقدر يحرق هتلر 6 مليون مرة
(كلما نضجت جلودهم بدلناهم جلودا غيرها ليذوقوا العذاب )
وقِس علي ذلك امثلة كتير جدا...
الاخرة عدالة
الايمان بها ايمان بالعدالة ..
واذكرك ان رسول الله صلى الله عليه وسلم لم يحرق اليهود عشان محدش يطلع يقول لي هما يستاهلوا الحرق!
كمان تعالوا نكون موضوعيين
المربي اللطيف اللي بيقوم من علي سجادة الصلاة يصوت وصرخ ويشتم...والام المحجبة العصبية العنيفة..فين نقل القدوة؟ ؟فين اني اترجم الدين معاملات...
للاسف الشديد كتير جدا من الملحدين ابناء لاسر افتكرت ان الدين.مالوش دعوة بالمعاملة
عاملوا اولادهم بقسوة غير مفهومة...
وبعد كده ...لما الاولاد اتعقدوا....قالوا لهم يا كفرة !!!!
فين المعاملة الطيبة؟
12*الجنة والنار...مش من اختصاصك.....=ما تحكمش لحد بيهم.....ده مش دورك
#ايناس_و_الاطفال