التربية بين الاستعانة بالله والشكر...

[طبيبة اطفال]

بسم الله الرحمن الرحيم
السلام عليكم ورحمة الله وبركاته

#التربية_بالاستعانة
أم بتحكيلي حصل لخبطة في الي هيروح ابنها من المدرسة..

سابت شغلها و راحت طايرة علي المدرسة...

كانت خايفة من احساسه وهو وحده و المدرسة فاضية عليه..

في شدة عجزها... قالت يا رب...

مالوش غيرك...

تحفظ قلبه و تملاه أمن.....

و ترضيه.... و تحنن قلب الناس عليه.....

راحت لقت الي كان نفسها فيه و زيادة....

أم تانية ابنها كسول... أوي....

دعت ربنا و أخدت بكل الأسباب.....

ابنها اتحسن كتير و اتغير للأحسن....

أم ابنها عنده مشاكل في التواصل الاجتماعي....

بتشجعه علي الاحتكاك بأطفال في سنه و بتدربه علي التواصل معهم....

و بتدعي كتير.... أوي....

حقق خطوات رائعة في التواصل مع الي في سنه و أكبر كمان....

ماتستهونيش بالدعاء.....

خدي بالأسباب....

اتعلمي و اقرأي كتير..

خدي خطوات و اسعي و جاهدي.. .

و ادعي ثم ادعي ثم ادعي....

و الله هتلاقي توفيق و كرم لا حد له....

ابشري برب كريم حليم ودود مجيب قريب

#التربية_بالشكر

فيه مبدأ اسمه عد نعمك......

بنتك زنانة.....

اشكري الله على عافيتها و جمالها و ذكائها....

وهو هيزيدك من فضله....

ابنك حركي و مغلبك......

اشكري الله على مميزاته الكتير...

ذكائه، عفويته، حنيته، عافيته....

ابنك مريض و حزينة عليه.....

اشكري الله على أسرة داعمة و طفل بيحبك و صحة تقدري ترعيه بها و بلاء هيرفع درجاتك إن شاء الله....

اسمها معركة الإيجابية

دايما فكري نفسك أنك تشوفي النعم والجانب الإيجابي.....

هتلاقي المشاكل والتحديات بتصغر أوي....

هتلاقيك هديتي وعرفتي تلاقي حلول.....

و المشكلة اللي كنت حاسة أنها مسيطرة على حياتك...

صغرت أوي....

و بقيت قادرة تتعاملي معها بإيجابية....

ربك كريم... أبشري....

اللهم لك الحمد كما ينبغي لجلال وجهك وعظيم سلطانك

د. مي المشد