كيفية تعاملنا مع مشاكلنا و تأثيرها فينا

[بشارة]

بسم الله الرحمن الرحيم
السلام عليكم ورحمة الله وبركاته
وصل اللهم على نبينا محمد واله وصحبه الكرام وسلم تسليما كثيرا
​

بنت راحت تشتكي لباباها ان الحياه وحشه
بباها مردش عليها وخدها للمطبخ وجاب 3 حلل ملاها ميه وحطها تغلي علي البوتجاز
اول ما الميه غليت راح حاطط في الحله الاولي بطاطس والتانيه بيضه وفي التالته حط بن
وسابهم شويه بعد عشرين دقيقه طفا البوتجاز وطلع البطاطس في طبق والبيض في طبق تاني والقهوه في كوبايه
وقال لبنته قولي لي شايفه ايه ؟
قالتله ( شايفه بطاطس وبيضه وقهوه )
قالها بصي كويس والمسي البطاطس
لمست البنت البطاطس لقيتها طريه عن اول ما حطيتها طلب منها تبص للبيضه فلقيت بقت بيضه مسلوقه طلب منها تبص علي الكبايه فلقت قهوه ريحتها جميله جدا
ابتسمت البنت وقالت ( يعني ايه الكلام ده )
الاب قالها ان البيضه والبطاطس والبن اتحطوا في نفس الظروف _ المياه المغليه _
بس كل واحد فيهم كان رد فعله مختلف
البطاطس كانت في الاول قويه انما بعد الميه المغليه بقت طريه وضعيفه
البيضه كانت ضعيفه وسهله الكسر انما بعد الميه المغليه بقا قلبها قوي !
البن بقي كان مميز جدا لما دخل في الميه المغليه غيرها اصلا وعمل منها حاجه تانيه جميله جدا اسمها (قهوه)
انتي بقي مين فيهم ؟
بطاطس ولا بيضه ولا بن ؟!!
لما بيحصلك مشاكل في حياتك رد فعلك بيكون ازاي؟
بتضعفي ولا بتقوي ولا بتاخدي الظروف دي وتعملي منها حاجه جميله

المشاكل هتفضل تحصل حوالينا وهتفضل تحصل لنا انما الحاجه المهمه فعلا هو ان المشاكل دي متحصلش جوانا ومانبقاش ضحيه ونتعلم نتعامل معاها ازاى ونواجها

 

[حوراء]

اللهم صل على سيدنا محمد النبي وأزواجه أمهات المؤمنين وذريته واهل بيته كما صليت على آل سيدنا إبراهيم إنك حميد مجيد