شوفوا يا اخواني باقول لكم شيء اذكر فيه نفسي ويمكن يكون مفيد
الحين مب الله هو اللي علم البشر ؟ وآتاهم من العلم الشيء القليل ؟ وبقي عنده الكثير من العلم ؟
طيب الحين مب العلماء مختلفين في اقوالهم حول المهدي والقحطاني والدجال وكل القضايا اللي يفكرون فيها الناس ؟
طيب الصح عند مين ؟ الكتب موجوده وما اقول شيء في العلماء ولا في المؤلفين ولا في الباحثين ولا في القارئين لكن اقول شيء فينا حنا يمكن اننا نسيناه وبالتحديد يمكن انا نسيته وذكرتوني انتم فيه وهو الهدايه
الاجابه الصحيحه لأي شيء هي هدايه من الله صح ؟
طيب وشلون نقرأ ونهتدي لما اختلف الناس فيه من الحق ؟
بإذن الله هي الاجابه الصحيحه
نهتدي للشيء الصحيح بإذن الله
إذن لنذهب الى الله مباشره
هنا سؤال : كيف ؟
الصلاة يا اخواني ما ادري احس الصلاة هذي لما يصليها الواحد وفيه شيء يبحث عنه سبحانه الله كأن الإجابه تنتظره في الصلاة بمجرد ما يصلي تسقط على قلبه الإجابه الصحيحه طبعاً لا تصلي عشان تتساقط عليك الإجابات لا تفهمني غلط لكن خل هالصلاة هي ملاذك ومفتاح همومك في كل شيء والهموم هي كل ما يهم الشخص ويهتم به وليست الأحزان فقط بل أبعد من الأحزان
الرسول صلى الله عليه وسلم كان اذا حزبه أمر لجأ إلى الصلاة
الصلاة هذي مدرسه عظيمه يا إخواني بدل ما تجلس يالواحد وتفتح صفحات وتحلل آراء وأفكار وتبحث إختر أسهل الطرق وأقل الجهد وأرخص التكلفه
الهدايه شيء لا يقدر عليه إلا الله حتى لو كنت أمين مكتبه وعندك 24 ساعه فراغ للقراءه وبجانبك كل كتب الأئمه ولم يشاء الله ان تهتدي فلن تهتدي إذن لنسلك أقرب طريق
يا اخواني اطلت عليكم بس شيء في خاطري حبيت ابوح به لعل الله أن ينفعني واياكم به